عاصم منیر د پاکستان په تاریخ کې ددغه هیواد د ټولو مسلح ځواکونو د لومړي لوی رییس په توګه وټاکل شو.
د پاکستان ولسمشر اصف علي زرداري عاصم منیر د پنځو کلونو لپاره د پوځ لوی درستیز تر څنګ د ټولو مسلح ځواکونو د لومړي لوی رییس په توګه ټاکلی دی.
دا ټاکنه د پاکستان د لومړي وزیر شهباز شریف په وړاندیز او د ولسمشر په منظوري شوې ده.
د پاکستان حکومت اپوزیسیون دا اقدام د عاصم منیر او پوځیانو لپاره د امتیاز ورکولو په توګه ګڼي او زیاتوي چې دغه هڅې د پاکستان ملکي حکومت او ډیموکراسۍ ته زیان رسوي.
د یادونې وړ ده چې د پاکستان پوځ لوی درستیز یوازې د ځمکني ځواکونو مشر دی، خو په نوي جوړ شوي دغه بست کې عاصم منیر به د ټولو هوایي، ځمکني او سمندري ځواکونو قومانده ولري.
