د اسلامي نړۍ د پیوستون سازمان (رابطهالعالم الاسلامي) رئیس، محمد بن عبدالکریم العیسی او ورسره مل پلاوی نن ماسپښین کابل ته رسېدلي دي.
د طالبانو تر واک لاندې ارګ په یوه خبرپاڼه کې ویلي، چې دغه پلاوي ته د طالبانو د ریاستالوزرا اداري مرستیال، عبدالسلام حنفي، لهخوا رسمي هرکلی وشو.
د خبرپاڼې بر بنسټ، د طالبانو رئیسالوزرا، محمد حسن اخوند، به د یاد سازمان له مشر او مل پلاوي سره په کتنه کې د طالبانو او «رابطهالعالم الاسلامي» ترمنځ د اړیکو د پیاوړتیا تر څنګ، د اسلامي نړۍ پر مهمو مسایلو او د هغوی د حل لارو بحث وکړي.
طالبانو ویلي، چې محمد بن عبدالکریم العیسی، د خپل رسمي سفر په دوام، طالبانو د کورنیو چارو له سرپرست، سراجالدین حقاني، او د بهرنیو چارو له سرپرست وزیر، امیرخان متقي، سره جلا جلا کتنې وکړي.
