د افغانستان کرېکټ بورډ اعلان کړى چې د پاکستان پخوانی لوبغاړی یونسخان یې د اتلانو جام سیالیو کې د ملي لوبډلې د سلاکار روزونکي په توګه ټاکلی دی.
یونس خان د پاکستان د کرېکټ ملي لوبډلې پیاوړی توپوهونکی او د شل آووریز نړیوال جام اتل دی.
د یادونې وړ ده چې د ۲۰۲۵ کال د اتلانوجام سيالۍ به د راتلونکې میاشتې (فبرورۍ) په ۱۹مې نېټې د پاکستان په لاهور ښار کې پیل شي.
یونسخان به د هېواد د کرېکټ ملي لوبډلې سره پاکستان کې دغو سیالیو ته په چمتوالي، تیاریو او تمريناتي لوبو کې ملتيا کوي.
هغه به د دې سیالیو تر پایه پورې د افغانستان د کرېکټ ملي لوبډلې سره د سلاکار روزونکي په توګه پاتې شي.
