د افغانستان د کرېکټ ملي لوبډله د یو ورځنیو سیالیو په لړ کې د زمبابوې په وړاندې لوبه وکړي.
دا لوبه نن (پنجشنبه د ليندۍ ۲۹مه) د افغانستان پر وخت ۱۲ بجې د زمبابوې په کوربه توب ترسره کېږي.
د افغانستان کرېکټ بورډ اعلان کړی چې دا د افغانستان د کرکټ د لوبغاړو دویمه لوبه ده چې د لوبو په دغه ډګر کې يې ترسره کوي.
د یادولو وړ ده چې د روانې اونۍ د سه شنبې په ورځ د زیمبابوې د کرېکټ ملي لوبډلې پر وړاندې د هېواد د کرېکټ ملي لوبډلې لومړۍ لوبه د باران له امله بې پایلې اعلان شوه.
حشمت الله شهیدي د زیمبابوې کپر وړاندې په یو ورځنیو سیالیو کې د هېواد د کرېکټ ملي لوبډلې مشري پر غاړه لري.
په دې لوبه کې به د افغانستان د کرېکټ ستوری راشد خان هم توپ وهنه وکړي.
دا لوبې د زیمبابوې په پلازمېنه هرارې کې ترسره کېږي.
