په تېرو پنځو ورځو کې کابو دوه زره او ۷۰۰ افغان کډوال له پاکستانه ایستل شوي دي.
پاکستاني رسنیو راپور ورکړی چې دا کډوال د تورخم او سپین بولدک له لارو افغانستان ته ستانه کړای شوي دي.
د راپورونو له مخې، پاکستان د تېر کال له نومبر میاشتې راهیسې ۴۷۸ زره او ۳۰۰ افغانان له دې هېواده ایستلي دي.
دا کډوال د تورخم او سپین بولدک له سرحدي لارو هېواد ته دننه شوي دي.
له بل لوري د کډوالۍ نړیوال سازمان (IOM) شمېرې ښيي، چې د تېر کال له اکټوبر راهیسې نیم میلیون افغان کډوال له پاکستان څخه ایستل شوي دي.
له پاکستانه د کډوالو ډلهییز ایستل او بېرته راستنېدو افغانستان کې د انساني ناورین او ژمي په درشل کې د دوی د وضعیت په اړه اندېښنې هم راپارولې دي.
ډېری راستنو شویو کډوالو خپل هر څه پاکستان کې پرېښي او افغانستان کې له کومې سرپناه او نورو امکاناتو پرته ژوند کوي.
