د افغانستان د کرېکټ ملي لوبډلې لوبغاړی راشد خان په نړۍ کې د شل اوریزو سیالیو نوی لومړی نمبر ټوپ اچوونکی دی.
هغه د پاکستان په وړاندې په شارجه کې په تاریخي بري کې په یوې منډې سره بریالی شو چې د سریلانکا له وانیندو هاسارانګا څخه مخکې شي.
د راشد خان د لوبډلې بل غړی فضل حق فاروقي په دغه نوملړ کې درېیم ځاي لري.
د افغان لوبغاړو په درجه بندۍ کې له پاکستان سره د افغانستان وروستیو لوبو مهم رول درلود. د کرېکټ نړیواله شورا وايي چې راشد خان له پاکستان سره په درېیو لوبو کې په هره لوبه کې یو کس سوځولی دی.
فضل حق فاروقي په دغو سیالیو کې پنځه د مقابلې لوبډلې پنځه لوبغاړي وسوځول او په نوې درجه بندۍ کې له دوولسم څخه درېیم مقام رسېدلی دی.
راشد خان د تېر کال په نومبر میاشت کې لومړی نمبر و او د ۲۰۱۸ کال له فبرورۍ میاشتې راهیسې تل تر ټولو غوره لوبغاړی و.
د پاکستان په وړاندې په نړیوالو شل اوریزو سیالیو کې د افغانستان بری د دې لامل شو چې مجیب الرحمن په نوملړ کې له لسم څخه اتم ته پورته شي.
د پاکستان کپټان شاداب خان په شل اوریزو سیالیو کې څلورمې درجې ته لوړ شوی دی.
