ځايي سرچینې راپور ورکوي چې تېره شپه د پنجشېر ولایت په درې عبدالله خېل ولسوالۍ کې دوو چاودنو طالبانو ته مرګ ژوبله اړولې ده.
د دې سرچینو په وینا، دا چاودنې د درې عبدالله خېل په مرکز کې وشوې، چې په پایله کې یې اته طالبان ووژل شول.
له پېښې وروسته، طالبانو د دې درې ځینې برخې کلابندې کړې او د سیمې له اوسېدونکو یې پوښتنې ګروېږنې پیل کړې.
تر اوسه پورې، طالبانو په دې اړه څه نه دې ویلي او هیڅ ډلې د دې بریدونو مسؤولیت په غاړه نه دی اخیستی.
