قزاقستاني رسنیو راپور ورکړی، چې د قزاقستان ولسمشر د یوه فرمان پر بنسټ یرکین توقوموف د افغانستان لپاره ځانګړی استازي په توګه وټاکه.
«کازانفورم» خبري آژانس د راپور له مخې، د قزاقستان ولسمشر ښاغلی توقوموف تر دې مخکې د قزاقستان د ستراتیژیکو څېړنو د انسټیټیوټ د رئیس له دندې ګوښه کړی و.
توقوموف د پولنډ د وارسا پوهنتون د نړیوالو اړیکو انسټیټیوټ، او د امریکا د هارورډ پوهنتون د کینیډي د حکومت ښوونځي فارغ دی.
هغه په قزاقي، روسي، انګلیسي او پولنډي ژبو خبرې کولی شي.
نوموړی د قزاقستان د بهرنيو چارو وزارت د فوقالعاده او مختار سفیر (دوهم درجه) رتبه لري.
