د ښځو د حقونو يوې فعالې تمنا رضايي، د طالبانو له خوا د خپلو درېيو خويندو او يوه ورور د نيول کېدو په اړه آمو ته معلومات ورکړل او ويې ويل، چې خور او ورور يې درې ورځې مخکې د کابل په دشت برچي کې د طالبانو د استخباراتو له خوا نيول شوي او یوه نامعلوم ځای ته ئي وړي دي.
تر دې مخکې طالبانو د دي درېیو اعتراض کوونکو نجونو خور تمنا رضايي نیولې وه او ۲۹ ورځې یې زنداني کړې وه.
۲۵ کلنه آزاده رضايي، ۱۷ کلنه نادیه رضايي، ۱۴ کلنه اله رضايي او ۲۲ کلنه یحیی رضايي د حمل په اتمه د چهار شنبې په ورځ مازدیګر ۶ بجې د معرفت سرک له خپل کور څخه نیول شوي.
آزاده رضايي، نادیه رضايي او اله رضايي، د افغانستان د ښځو د عدالت غوښتنې غورځنګ غړي، درې ورځې وړاندې د چهار شنبې په ورځ د ۱۳۹۵ لمریز کال د سلواغې په ۸ مه د کابل له دشت پارچي څخه د طالبانو د استخباراتو له خوا ونیول شول.
د دي نجونو مشره خور چې د ښځو د حقونو یوه فعاله ده، وايي چې کورنۍ یې د سلواغې په ۱۳، ۱۷ او د طالبانو د کورنیو چارو وزارت ته ورغلې وه، خو تر دې دمه، دوی نشي کولی د هغه د وروڼو د ځای په اړه کره معلومات ترلاسه کړي.
د نیول شوو فعالانو خور تمنا رضايي آمو ته وویل: «له بده مرغه دوه ورځې وړاندې زما درې خویندې او یو ورور په دشت پارچي کې د طالبانو له خوا په معرفت سړک کې ونیول شول او نامعلوم ځای ته یووړل شول، هیڅ خبر نه دی او نه مو تلیفون را اخیستی دی، دوی چیرته دي او په کوم جرم نیول شوي دي؟»
د دوی خپلوان وايي چې دي دریو نجونو په دې وروستیو کې د یوه ګاونډي هېواد ویزه ترلاسه کړې وه او ټاکل شوې وه چې له افغانستانه ووځي.
اوس د بشري حقونو فعالانو د طالبانو له زندانه د دي دریو ښځینه فعالانو او د هغوی د ورونو د خلاصون غوښتنه کړې ده.
د ښځو او بشري حقونو فعالې نرګس سادات، په دې اړه زیاته کړه:«له تېر څخه تر اوسه موږ د دې شاهدان یو چې بې شمېره قربانیان د طالبانو له خوا په خپل سر نیول شوي او نامعلومو ځایونو ته لېږدول شوي او له ډيري اوږدې مودې وروسته د طالبانو د استخباراتو له تور زندانه، دوی په ډېرو ستونزو او لویو ضمانتونو خوشي کيږې».
بل خوا طالبانو د پنجشنبې په ورځ د کابل په کارته چهار سیمه کې یوټیوب همایون افغان له خپلو څلورو ملګرو سره نیولی دی.
په کابل کې د طالبانو د پولیسو ویاند ویلي، چې د همایون افغان د نیولو قانوني دلیل شته. د ښاغلي ځدراڼ په وینا همایون افغان له یوې بوډۍ مېرمنې سره مرکه ثبت کړې وه، خو که څه هم دغې مېرمنې ترې وغوښتل چې دا مرکه خپره نه کړي، خو افغان هغه خپره کړه. طالبان وايي چې دي ښځې اوس افغان همایون څخه شکایت کړی دی.
رضا، چې د کابل اوسېدونکی دی زیاته کړه: «همایون افغان یو يوټيوبر دی، فعال او ټولنې ته خدمت کوي، موږ له اسلامي امارت څخه غواړو چې همایون او د هغه ملګري خوشي کړي».
د کابل اوسېدونکی احمد وايي:«موږ له حکومت څخه غواړو چې د روژې په دې مبارکه میاشت کې د هغو کسانو کورنۍ خوشې کړي چې کورنۍ یې له ستونزو سره مخامخ دي ،او هلته یو ځوان و چې ټولنې ته یې خدمت کاوه، هغه یوټیوبر وه، هغه یو خبریال وه».
د افغانستان د ټوليزو رسنيو د قانون پر بنسټ، دولتي چارواکي نه شي کولاى يو خبريال د ژورناليستيکي کار په تور ونيسي. په هرحال، د یو خبریال په وړاندې د تورونو موجودو په صورت کې، دا تور د رسنیو د سرغړونې کمیسیون له لارې تعقیب کیږي.
همایون افغان د طالبانو له واک ته د رسېدو وروسته تل د کابل ښار او نورو ولایتونو له ځینو برخو څخه راپورونه چمتو کړي دي.
د ديراپورونو په لړ کې هغه د طالبانو له غړو او اشخاصو سره هم خبرې اترې کړې دي. د هغه د پروګرامونو یو شمېر اورېدونکي وايي چې ښاغلي افغان په ځینو مواردو کې هڅه کوله چې له طالبانو سره د خلکو رضایت منعکس کړي.
خو په کابل کې د طالبانو د پولیسو ویاند خالد ځدراڼ نن ماښام وویل چې همایون افغان بیرته خپل دفتر ته تللی دی.
له دې ټولو سره سره په کابل کې یوه له مظاهره کوونکو مېرمنو منجه صدیقي ۱۷۴ ورځې د طالبانو په زندان کې ده. نوموړی د تېر کال د میزان په ۱۷مه د کابل په خیرخانه کې د طالبانو د استخباراتو له خوا ونیول شو او زندان ته ولېږدول شوه.
تر دې وړاندې د بشري حقونو د څار نړیوال سازمان ویلي وو چې د طالبانو په زندانونو کې د بندیانو شمېر تر هغو شمېرو ډېر دی چې طالبان خپروي.
