د طالبانو د هلمند د پولیسو قومندانۍ وايي، دوی د مسو او سُربو یو بار ضبط کړی چې پاکستان ته قاچاق کېدلو.
د پولیسو د قومندانۍ ویاند عزتالله حقاني ویلي، په دې بار کې ۵۷۸ د سُرب خښتې او ۸۹ د مسو بستې شاملې وې.
د نوموړي په وینا، دغه بار د هلمند په ګرمسیر ولسوالۍ کې هغه مهال ونیول شو، چې د یو بار وړونکي موټر په وسیله پاکستان ته لېږدول کېدلو.
خو یادو مسوولینو په دې اړه څه نه دي ویلي چې د دې قاچاق په تړاو څوک نیول شوی دی که نه؟
