د بشري حقونو د څار بنسټ وايي، افغان ښځینه هنرمندانو د ښځو په غورځنګ کې چې د طالبانو د ظلمونو په وړاندې مقاومت کوي، مهم رول لوبولی دی.
د بشري حقونو د څار بنسټ وايي، د افغان ښځینه هنرمندانو ونډې او د هغوی هنر ته باید پام وشي.
د بشري حقونو د څار سازمان د ښځو پر وړاندې د تاوتریخوالي د له منځه وړلو د ۱۶ ورځني کمپاین د پای ته رسېدو په مناسبت په یوه راپور کې؛ د دوو افغان ښځینه هنرمندانو رادا اکبر او فاطمه وجوهت ژوند مستند کړی دی.
دا راپور د«انسان له خټو څخه نرم او د ډبرې څخه کلک دی» په نوم خپور شوی.
د بشري حقونو د څار په سازمان کې د ښځو د حقونو څېړونکې سحر فطرت وايي، افغان ښځینه هنرمندانې د هغو ښځو په څېر چې د «ډوډۍ، کار، ازادۍ» له شعار سره سړکونو ته راووتلې، د ټولو لپاره عزت او برابري غواړي او د دې مشهور غورځنګ په شکل ورکولو کې مهم رول لوبوي.
د بشري حقونو د څار سازمان په وینا، د دوی هنر هغه ظلمونه انځوروي او ننګوي چې ښځې او نجونې د طالبانو په واکمنۍ کې ورسره مخ دي.
د بشري حقونو د څار سازمان وايي، له هغه وخته چې طالبانو په افغانستان کې واک تر لاسه کړی، دوی په سیستماتیک ډول د ښځو او نجونو حقونه تر پښو لاندې کړي او داسې قوانین یې پلي کړي چې نه یوازې د زده کړې حق، بلکې د کار، د حرکت او بیان آزادي، فزیکي حقونه هم محدودوي. روغتیا، او په عامه ژوند کې د روغتیا پاملرنې ته لاسرسي او حتی د خبرو کولو او لوستلو حق له دوی څخه اخيستل شوی دی.
د بشري حقونو د څار بنسټ وايي: «د ردا اکبر او فاطمه وجوهات پروژه په ډیجیټل ډول د ګچ سره خپل هنر رامینځته کوي. د دواړو هنرمندانو اثار د ظلم په وړاندې د ښځو د مقاومت په موضوع هتمرکز دي او له خپل وطن څخه د لرې کېدو سره سره، دواړه د افغان مېرمنو د مقاومت په غورځنګ کې ونډه لري».
د د بشري حقونو د څار بنسټ په وينا، دوی خپل هنرونه او د پیوستون او امید پیغامونه شریکوي او غواړي په افغانستان کې هغو نجونو او ښځو ته لاسرسى پيدا کړي چې د طالبانو د محدوديتونو او ځپونکو بندیزونو له امله د نوښت او هنر له نړۍ څخه بې برخې شوي دي.
د بشري حقونو دغه سازمان زیاتوي چې افغان مېرمنو د طالبانو د « ظلمونو په وړاندې په زړورتیا سره مقاومت کړی »او په لارو کوڅو کې یې لاريونونه کړي دي.
مېرمن فطرت زیاته کړه: «په داسې حال کې چې افغانستان اوس هم په نړۍ کې د ښځو د حقونو له خورا جدي بحران سره مخ دی، اړینه ده چې د افغان مېرمنو دغه ولسي حرکت او هغه کسان چې په خپل عقل، زړورتیا او هنر سره یې پیاوړي کړي، په رسميت وپېژندل شي.»
په افغانستان کې پر ښځو او نجونو د سختو بندیزونو په دوام طالبانو په دې وروستیو کې د نجونو پر مخ د روغتيايي علومو انسټيټيونه هم وتړل.
د طالبانو دغه اقدام له پراخو کورنیو او نړیوالو غبرګونونو سره مخ شو.
