په کاپيسا ولايت کې يوې ترافيکي پيښې له پنځو تنو ژوند واخيست او درې تنه نور يې ټپيان کړل.
د کاپيسا ولايت د امنيي قومندانۍ لپاره د طالبانو وياند وايې چې دا پېښه پرون ( چهار شنبه، زمري١٠) ماسپښين ددي ولايت د اله ساى ولسوالۍ په دره کوتي سيمه کې رامنځته شوې ده.
د يادولو وړ ده، چې پېښه د موټر د چپه کېدو له امله رامنځته شوې ده.
دا په داسې حال کې ده، چې په دې وروستيو کې د هېواد په بېلابېلو لويو لارو کې ترافيکي پېښې زياتې شوې، چې له امله يې تر اوسه په لسګونو کسانو ژوند بايللى دى.
په هېواد کې د طالبانو تر واک لاندې د ترافيکو رياست مسوولينو له دې وړاندې ويلي وو، چې ډېرى دغه پېښې د موټر چلوونکو د بې احتياطۍ او د تېز سرعت له امله رامنځته کېږي.
