پروان ولایت کې د طلوع نیوز خبریال روحالله سنګر له دوو ورځو وروسته د طالبانو له بند څخه خوشی شو.
د افغانستان د خبریالانو مرکز په یوه اعلامیه کې ویلي، چې ښاغلی سنګر د یکشنبې په ورځ د پروان ولایت له مرکز چاریکار ښار څخه د طالبانو د استخباراتو له خوا نیول شوی و.
طالبانو تر اوسه د هغه د نیولو په اړه څه نه دي ویلي.
د افغانستان د خبریالانو مرکز په وینا، د تمدن ټلویزیون د خبریال عبدالرحیم محمدي او د رادیو نسیم د خبریال سلطان علي جوادي په نومونو لږترلږه دوه نور خبریالان هم د طالبانو په بند کې دي.
دغه بنسټ د طالبانو له زندانه د ټولو خبریالانو د خوشي کېدو غوښتنه کړې ده.
