د افغانستان د ازادو مبارزو لوبغاړی نصرت حقپرست وتوانېده د «یو اېف سي» ازادو سیالیو په چوکاټ کې لانډن کوئینونز ته ماته ورکړي.
دغه لوبه د وږي د یکشنبې په سهار د استرالیا په سیدني ښار کې ترسره شوه او حقپرست په درېیو پړاوونو کې خپل سیال ته ماتې ورکړه.
هغه په یوه ویډیويي پيغام کې چې د «ام ام اې مبارزو» سازمان له نوموړي څخه خپور کړی ویلي د مراکش د زلزلې له امله نه شي کولای سل په سلو کې خوښي وکړي.
نوموړی دا زلزله «زړه بوږنونکې» بللې او د دغه هېواد له خلکو سره یې همدردي ښودلې ده.
د آزادې سیالۍ دغه افغان لوبغاړي تراوسه شل لوبې ترسره کړې او په خپله کارنامه کې ۵ ماتې او ۱۵ بریاوې لري.
