هغه میلیاردر، د څو رسنیو خاوند او د یوې مودې لپاره سناتور و، د څلورو دورو لپاره د ایټالیا لومړی وزیر و او د هغه مړینه د دې هیواد د یوې دورې پای بلل کېږي.
برلسکوني یو له خورا مشهورو او په ورته وخت کې د ایټالیا ترټولو جنجالي سیاستوال و.
هغه چې په ۱۹۳۶ کې په میلان کې زیږیدلی، خپل لومړنی کاروبار يې د برېښنايي وسایلو په پلورلو پیل او وروسته يې يو ودانیز شرکت جوړ کړ.
هغه کرار کرار د ایټالیا په ترټولو بډایه کس بدل شو، چې خپله ډېره شتمني يې د ټلویزیوني چینلونو له لارې ترلاسه کړه، او د AC میلان فوټبال کلب په مالکیت سره يې نړيوال شهرت ترلاسه کړ، او بیا یې سیاست ته مخه کړه.
نوموړی په ۱۹۹۳ او بیا له ۲۰۰۱ تر ۲۰۰۶، له ۲۰۰۷ تر ۲۰۱۱ او ۲۰۱۳ کلونو پورې د ایټالیا لومړی وزیر و. هغه د وينې سرطان په يوې کمسارې ناروغۍ هم اخته و.
