د کاناډا د کډوالو چارو وزیر شان فراسر په افغانستان کې د طالبانو له واکمنېدو وروسته دغه هېواد ته د دېرش زره افغانانو د ورتلو خبر ورکړ.
ښاغلي فراسر يه یوه ټویټ کې دا خبره کړې ده.
نوموړي دا د روان میلادي کال تر پایه د ۴۰ زره افغانانو د مېشت کولو لپاره د دغه هېواد د هڅو برخه بللې ده.
هغه لیکلي: «نن خپل نوي کور ته د دېرش زره افغانانو په هرکلي سره، کاناډا د بشردوستانه فرهنګ په برخه کې مهم ګام پورته کړ. دا د ۲۰۲۳ کال ترپایه د ۴۰ زره زیانمنونکو افغانانو د مېشت کولو لپاره یوه لویه لاس ته راوړنه ده.»
ښاغلي فراسر په دوام کې زیاته کړې: «دا د دولتونو، ونډه لرونکو او نادولتي سازمانونو د نه باور وړ کار په پایله کې شوي او پر دې باور موږ ټینګار کوو چې له پناه غوښتونکو هرکلی د کاناډایي په توګه زموږ د شخصیت نه بېلېدونکې برخه ده.»
په افغانستان کې د طالبانو له واکمنېدو وروسته کاناډا اعلان وکړ چې د طالبانو حکومت «هېڅکله» په رسمیت ونه پېژني او څلوېښت زره زیانمنونکو افغانانو ته به د استوګنې اسناد ورکړي.
له هغه وخت راهیسې دېرش زره افغانان له بېلابېلو لارو دغه هېواد ته ورغلی او د تورنټو، ونکوور او کلګري په شان د دې هېواد په یو شمېر ښارونو کې مېشت شوي دي.
