د ملګرو ملتونو د بشري مرستو د همغږۍ دفتر یا “اوچا” وايي، چې طالبانو د تیرې یوې میاشتې په موده کې د بشري مرستې رسونې ۲۹ تنه کارکوونکي نیولي دي.
اوچا په خپل راپور کې لیکلي، چې په بشري مرستو کې د طالبانو د لاسوهنو له امله، د اپریل میاشت کې د بشري مرستو ۳۵ پروګرامونه وځنډول شول.
په راپور کې راغلي، چې دغه محدودیتونه د بشري مرستو پر وخت او مؤثرې لېږدونې منفي اغېز کوي او دغه بهیر کمزوری کوي.
طالبانو تر دې دمه د یاد راپور په تړاو، کوم غبرګون نه دی ښودلی.
