په فراه ولایت کې سیمه ییزې سرچینې وايي چې د طالبانو د دفاع وزارت د هوايي ځواک د قوماندې یو غړی چې «محمدالله شاهین» نومېده، د هرات ولایت په زنده جان ولسوالۍ کې د نامعلومو وسله والو له خوا ووژل شو.
د سرچینو په وینا؛ ښاغلی شاهین په اصل کې د فراه ولایت د خاک سفید ولسوالۍ اوسېدونکی و او د پېښې پر مهال په زنده جان ولسوالۍ کې اوسېده.
یوې سرچینې چې نه یې غوښتل نوم یې واخیستل شي آمو ته وویل چې د هغه له وژلو وروسته، بریدګرو د هغه وسله، ګرځنده تلیفون او موټر هم له ځان سره بېولي.
سرچینې زیاتوي: «دا لا څرګنده نه ده چې دا کار چا ترسره کړی.»
تر اوسه هېڅ ډلې یا کس د دې پېښې مسؤلیت نه دی منلی.
طالبانو هم دا پېښه تایید کړې ده.
