په بلخ او فاریاب ولایتونو کې د ۲۰۸ چاپندازانو ترمنځ په جلا جلا توګه د وزلوبې سیالۍ ترسره شوې.
د سپورټ او بدني روزنې ریاست په یوه خبرپاڼه کې ویلي، چې په دغو سیالیو کې د فاریاب ولایت عزت الله او پهلوان حیات الله لومړی مقام خپل کړ.
په ورته وخت کې روح الله پهلوان او ګلبدین پهلوان د مزارشریف په سیالیو کې لومړی مقام خپل کړ.
وزلوبه د هېواد په ځانګړې توګه په شمالي ولايتونو کې يوه دوديزه لوبه ده چې ډېر مينه وال لري.
