لیونل مېسي د امریکن پریمیر لیګ د لینډون ډونووان لخوا د ٢٠٢۴ کال د فوټبال غوره لوبغاړی وټاکل شو.
د رویټرز د راپور له مخې ښاغلي میسي د دغه لیګ د غوره لوبغاړي د ټاکلو په مراسمو کې وویل: « خوښېدل مې چې دا جایزه په بل حالت کې ترلاسه کړم او د شنبې په ورځ په فاینل کې ولوبیږم، سږ کال مې د امریکن پریمیر لیګ د اتلولۍ لوی خوب درلود. داسې ونه شول؛ خو په راتلونکي کال به کې بېرته پیاوړي راوګرځم او بیا هڅه وکړم.»
هغه د ٢٠٢٣ په جولای کې د امریکا پریمیر لیګ کې د شاملېدو راهیسې چې د میامي په نوم پیژندل کیږي، په ١٩ لوبو کې ٢٠ ګولونه او ١٦ پاس ګولونه ثمر ته رسولي دي.
د لیونل مېسي لپاره د امریکا د غوره لیګ د غوره لوبغاړي جایزه د هغه د نورو لاسته راوړنو تر منځ یو بل ویاړ دی، چې په کې د نړۍ د غوره فوټبال لوبغاړي په توګه د نړیوال جام د ګټونکي مډال او د ریکارډ اته طلايي توپونو جایزې شامل دي.
دا ۳۷ کلن ارجنټایني لوبغاړی د انټر میامي په تاریخ کې لومړنی لوبغاړی دی چې د امریکا غوره لیګ تر ټولو لوړه انفرادي جایزه یې ګټلې ده.
