د خوړو نړیوال پروګرام وايي، سږ کال یې په ټول افغانستان کې له ۲۴ زره کورنیو سره مرستې کړې دي.
ياد پروګرام پر اېکس ټولنيزه شبکه ليکې، چې دا مرستې د طبیعي پیښو له امله زیانمنو کورنیو ته ویشل شوې دي.
دغه پروګرام همداراز ويلي چې د مرستو دا کڅوړې به د کورنیو د ژوند شرایطو په ښه کولو کې مرسته وکړي.
تر دې مخکې د خوړو نړیوال پروګرام ویلي وو چې په افغانستان کې د راتلونکو شپږو میاشتو لپاره د خپلو کارونو د دوام لپاره په ۶۵۷ میلیونه ډالرو ته بېړنۍ اړتیا لري.
د ملګرو ملتونو اړوند دغه بنسټ زياته کړې، چې سږ کال به د افغانستان ۴۰ سلنه وګړي بشري مرستو ته اړتیا ولري.
