د تهران سور صلیب ټولنې اعلان کړی چې د افغانستان د زلزلهځپلو لپاره د نقدي او غیرنقدي مرستو راټولول یې پیل کړي دي.
د دغه بنسټ د عامه اړیکو د دفتر په وینا، د تهران سور صلیب اجرائیوي رییس شاهین فتحي ویلي: «د افغانستان په وروستۍ مرګونې زلزله او د پراخو بشري زیانونو په پام کې نیولو سره، د جمعې له ورځې څخه په ټولو څانګو کې او همدارنګه د ښار په ګڼ مېشتو ځایونو کې د مرستو صندوقونه ځای پر ځای شوي دي.»
هغه زیاتوي چې د جمعې په لمونځ، په میدانونو او د خلکو په غونډو کې هم د مرستو راټولولو زمینه برابره شوې، او ښاریان کولی شي خپلې مرستې په دغو مرکزونو کې اړوند مسوولینو ته وسپاري.
همدارنګه، د دغه بنسټ په نوم د نقدي مرستو د ترلاسه کولو په ملت بانک کې ځانګړی حساب جوړ شوی دی.
فتحي د ایران د خلکو د همکارۍ ستاینه کړې او ویلي چې په ایران کې مېشت افغان محصلینو یوه ډله هم پر رضاکارانه همکارۍ بوخته ده، چې دا کار به د زلزلهځپلو لپاره د مرستو په راټولو کې اغېزمن ثابت شي.
