له خوست ولایت څخه سرچینې وايي چې د دغه ولایت په نادرشاه کوټ ولسوالۍ کې یو تنکي ماشوم ځان وژنه کړې ده.
د سرچینو په وینا، دغه هلک تیزاب څښلي وو او ځان یې وژلی دی.
د سرچینو په وینا، کلیوال یې د ځان وژنې علت کورنۍ تاوترېخوالی او اقتصادي ستونزې یادوي.
د یادونې وړ ده، چې په هېواد کې په دې وروستیو کې د ځان وژنې او انسان تښتونې پېښې زیاتې شوي دي.
دا په داسې حال کې ده چې هېوادوال د اقتصادي ستونزو او فقر زیاتوالي له امله شکایت کوي. د ملګرو ملتونو راپورونو له مخې، نږدې ۲۳ میلیونه افغانان بشري مرستو ته اړتیا لري.
