د افغانستان لپاره د متحده ایالتونو د سفارت شارژدافیرې پر ایکس ټولنیزه شبکه لیکلي چې تېره ورځ یې په دوحه کې د افغانستان لپاره د خوړو د نړیوال پروګرام او نورو مرستندویه بنسټونو له استازو سره کتلي دي.
هغې ویلي چې امریکا افغانستان ته د تر ټولو لوي د بشردوستانه مرستو ورکوونکي هېواد په توګه «د هر لګول شوي ډالر لپاره حساب غواړي.»
نوموړې ټینګار کړی چې «له پرلپسې ناورینونو د تېرېدو لپاره» افغانان هر مرسته شوي ډالر لګولو ته اړتیا لري.
امریکا د ۲۰۲۱ کال له اګست راهیسې ته افغانستان ته د بشردوستانه مرستو په برخه کې کابو دوه میلیارد ډالر ورکړي دي.
د خوړو نړیوال پروګرام تازه ویلي چې دا بنسټ په افغانستان کې له ژمي مخکې د بیړنیو مرستو لپاره، ۴۰۰ میلیون ډالرو ته اړتیا لري.
