هندي چارواکي وايي چې د دغه هېواد په سویل کې د دوو اورګاډو د ټکر له امله د تلفاتو شمېر ۱۴ تنو ته رسېدلی دی.
دا پېښه د دوشنبې په ورځ ناوخته هغه مهال وشوه چې یوه مسافروړونکي اورګاډي له بل سره د برېښنا د پرې کېدو له امله ولګېده.
په دې پېښه کې لږترلږه ۵۰ تنه ټپیان شوي دي.
له بلې خوا، د دوشنبې تر غرمې پورې د ژغورنې عملیات روان وو.
د هند اورګاډي وزارت وايي، لومړنۍ موندنې ښيي چې «انساني تېروتنه» د دې پېښې لامل شوې ده.
دا پېښه له هغې څو میاشتې وروسته وشوه چې د هند دولتي ریل لارې سیستم په تېرو دوو لسیزو کې له تر ټولو بدې پېښې سره مخ شو او له امله یې ۲۹۲ تنه مړه شول.
د هند رېل لاره په نویو او مډرنو سیستمونو سره د نړۍ څلورمه لویه شبکه ده.
