د ایراني پولهساتونکو او طالبانو ترمنځ د شنبې په ورځ له سختې نښتې وروسته، د نیمروز ولایت سرحدي سیمه ارامه شوې ده.
د ایران د سیستان او بلوچستان د والي انتظامي والي او امنیتي مرستیال علیرضا مرحمتي شنبه شپه ناوخته وویل چې وضعیت تر کنټرول لاندې دی.
ایراني رسنیو راپور ورکړی، چې د دواړو هېوادونو چارواکي د نښتې د لامل په اړه خبرې کوي او هوکړه یې کړې چې خبرواترو ته دوام ورکړي.
د راپورونو له مخې د تېرې ورځې په نښتو کې دوه ایراني پولهساتونکي او یو طالب وژل شوي دي.
په همدې حال کې، ایران میلک پوله چې دواړو هېوادونو ترمنځ یوه اصلي سوداګریزه لار ده تر بلې خبرتیا پورې تړلې ده.
دا په داسې حال کې ده چې په وروستیو میاشتو کې د طالبانو او ایران ترمنځ د هلمند له سینده د تهران د حقآبې موضوع پر سر کړکېچ زیات شوی دی.
ایراني چارواکو طالبانو ته ویلي، چې باید د ۱۹۷۳ کال پر هوکړې ودرېږي.
تهران تل طالبان تورن کړي چې ایران ته یې د اوبو د تلو مخه نیولې ده.
