د سي آی اې پخوانۍ ماموره سارا آدم وايي چې القاعده او داعش د افغانستان او پاکستان په سرحدي سیمو کې په بشپړه توګه فعال دي او اوس په تېرو ۲۰ کلونو کې تر بل هر وخت لوی ګواښ دی.
د هغې په وینا، دا مفکوره چې د داعش پر وړاندې جګړه په عمده توګه په سوریه کې ترسره کیږي، پخوانۍ ده، او د داعش ډېر لوړ پوړي مشران درې کاله دمخه افغانستان او پاکستان ته لېږدول شوي وو.
سارا آدم وايي چې متحده ایالات، د دفاع وزارت له لارې، په سوریه کې د «د داعش ضد جعلي» کمپاین تمویلوي پداسې حال کې چې په ورته وخت کې داسې ښیې چې د طالبانو سره د داعش خراسان پر ضد ګډه هڅه روانه ده.
هغې ټینګار وکړ: «د رښتينولۍ وخت رارسېدلى دی. زموږ (امریکا) اوسنۍ ستراتیژي اصلي ګواښ له پامه غورځوي.»
دا په داسې حال کې ده چې د امریکا مرکزي قوماندني (سینټکام) وايي چې د پنجشنبې په ورځ یې ځواکونو د سوريې په شمال لویدیځ کې هوايي برید وکړ چې په پایله کې یې د القاعدې «ترهګریز» سازمان یو لوړ پوړی غړی محمد صلاح الزعبیر ووژل شو.
د ملګرو ملتونو د راپورونو له مخې، په افغانستان کې د طالبانو تر واک لاندې د داعش او القاعده په ګډون له شلو څخه زیاتې ترهګرې ډلې شتون لري.
