د افغانستان د رګبي ملي ټیم په آسیايي لوبو کې ایران ته په ماتې ورکولو سره پایلوبې ته لاره ومونده.
د آسیايي رګبي سیالیو په لړ کې چې د اندویزیا په جاکارتا کې روانې دي، د افغانستان ټیم ۲۲ د صفر پروړاندې په نیمه پایلوبه کې پر ایران بریا ترلاسه کړه.
افغانستان په دغو لوبو کې اردن، هندوستان، اندونیزیا او ایران ته ماتې ورکړې ده.
په پام کې ده نن د افغانستان لوبډله په پایلوبه کې د سنګاپور پروړاندې مبارزه وکړي.
