د هېواد د کرېکټ ملي لوبډلې په نننۍ لوبه کې د اسټرالیا د کرکټ ملي لوبډلې ته د ۲۱ منډو په توپیر ماتې ورکړه.
دا لوبه په ویسټ انډیز کې د کرېکټ د شل اوریز نړیوال جام د«غوره اتم» پړاو کې ترسره شوه.
د هېواد د کرېکټ ملي لوبډلې په دې لوبه کې اسټرالیايي لوبغاړو ته د ۱۴۹ منډو هدف وټاکه.
د افغانستان د کرېکټ ملي لوبغاړی ګلبدین نایب د دې لوبې غوره لوبغاړی وپېژندل شو.
د کرېکټ کارپوهانو د افغانستان د کرېکټ ملي لوبډلې دا بریا په شل اوریز نړیوال جام کې ستره بریا بللې ده.
د يادونې وړ ده، چې په دې لوبه کې ګلبدین نایب څلور وېکټې واخیستې.
