پکن تایید کرده که در حمله مسلحانه در مرز تاجیکستان با افغانستان، سه شهروند چینی کشته و یک تن دیگر زخمی شده است.
سفارت چین در دوشنبه، پایتخت تاجیکستان، اعلام کرد که این حادثه روز چهارشنبه در شهر ختلان در جنوب غربی تاجیکستان رخ داده است و از شهروندان این کشور خواست منطقه مرزی را فوراً ترک کنند.
وزارت خارجه چین هویت عاملان حمله را فاش نکرد اما از تاجیکستان خواست تحقیقات کامل و شفاف انجام شود.
وزارت امور خارجه تاجیکستان نیز اعلام کرد که هر سه کشته، کارمندان شرکت «السیسی شاهین اسام» بودهاند.
بر اساس گزارشها، حمله با استفاده از یک پهپاد مجهز به نارنجک از خاک افغانستان انجام شده است.
وزارت امور خارجه طالبان در بیانیهای گفت: «حلقه دخیل در این حادثه، گروهی است که به دنبال ایجاد هرج و مرج، بیثباتی و بیاعتمادی در منطقه هستند.»
طالبان هویت این گروه را مشخص نکردند اما افزودند که آنان ارزیابی اولیه حادثه را انجام داده و کاملاً با تاجیکستان برای بررسی و پیگیری این حمله همکاری خواهند کرد.
بر بنیاد گزارشها، برای نخستینبار از خاک افغانستان حملهای مسلحانه و پهپادی به خاک تاجیکستان انجام شده است. این رویداد در منطقهٔ شمسالدین ختلان رخ داده؛ نقطهای مرزی که در جنوب‑غرب تاجیکستان قرار دارد و از جنوب و جنوبشرقی با افغانستان حدود ۴۲۰ کیلومتر مرز مشترک دارد.
با این حال، وزارت امور خارجهٔ تاجیکستان اعلام کرده است که این حمله بر اردوگاه کارکنان یک شرکت چینی به نام «الالسی شاهین اسام» در محدودهٔ پاسگاه مرزی استقلال انجام شده و در نتیجهٔ آن سه کارگر چینی جان باختهاند.
مقامهای تاجیکستان میگویند این حمله با استفاده از یک پهپاد حامل نارنجک و همچنین سلاح گرم صورت گرفته و «گروههای جنایتکار مستقر در خاک افغانستان» همچنان با اقدامات بیثباتکننده، امنیت این مرز طولانی را تهدید میکنند.
با این حال، مقامهای تاجیکستانی و طالبان نام هیچ گروهی را که احتمالاً پشت این حمله باشد، اعلام نکردهاند.
از سویی هم ایران، این حمله را محکوم کرده است.
اسماعیل بقائی، سخنگوی وزارت امور خارجه جمهوری اسلامی در نشست خبری بر محکومیت قاطع همه اشکال و مظاهر تروریزم، بر اهمیت تقویت همکاریهای چندجانبه برای پیشگیری و مقابله با اقدامات تروریستی تاکید کرده است.
