د هېواد یو شمېر اوسېدونکي پر افغان خاوره د پاکستان د پرلهپسې بریدونو له دوامه اندېښنه څرګندوي او د ملکي وګړو په نښه کول غیرانساني عمل بولي.
دوی د پاکستان او طالبانو ترمنځ د شخړو د پای ته رسېدو غوښتنه کوي او وایي، چې ستونزې باید د خبرو اترو له لارې حل شي، څو ملکي وګړو ته زیان ونه رسېږي.
هممهاله، د پکتیا یو اوسېدونکی وایي، چې د پاکستان په وروستیو هوايي بریدونو کې یې د کورنۍ دوه غړي وژل شوي دي.
