د امریکا د متحده ایالاتو سنا په یو بېساري ګام کې د هغه پرېکړه لیک ملاتړ وکړ چې ولسمشر ډونالډ ټرمپ ته په مستقیم ډول امر کوي ترڅو د ایران پر وړاندې د امریکا هر ډول نظامي اقدامات ودروي.
دا لومړی ځل دی چې د امریکا د کانګرس دواړه خونې (سنا او د استازو جرګه) په ګډه د جګړې د واکونو قانون پر بنسټ ولسمشر مجبوروي چې خپل ځواکونه له جګړې وباسي، کوم چې د فبرورۍ په ۲۸مه پیل شوې وه.
پهدې تاریخي رایه اچونه کې، چې ۵۰ د ۴۸ پر وړاندې د ډیموکراتانو په ګټه پای ته ورسېده، څلورو جمهوري غوښتونکو سناتورانو هم له خپل ګوندي دريځ څخه سرغړونه وکړه او د ټرمپ په زیان یې رایه ورکړه.
دا پرېکړه پهدې وروستیو کې د ټرمپ پر وړاندې د دواړو ګوندونو د مخ په زیاتېدونکو غندنو یوه برخه ده، ځکه د نوې نظرپوښتنې له مخې، له هرو څلورو امریکایانو یوازې یو یې د ایران جګړه پر ځای بولي.
بل لور ته، سپینې ماڼۍ دا رایه اچونه بېاهمیته بللې او وایي، د ۱۹۷۳ کال د جګړې د واکونو قانون له اساسي قانون سره په ټکر کې دی او د دغه پرېکړه لیک پلي کول به په محکمو کې وننګول شي.
