د امریکا د بهرنیو چارو د وزارت ویاند متیو میلر په دې باندې په ټینګار سره چې افغانستان به د ترهګرو په خوندي ځاله بدل نه شي، ویلي چې واشنګټن پر طالبانو فشار راوړي چې د ترهګرۍ ضد خپلې ژمنې عملي کړي.
نوموړي په یوه خبري کنفرانس کې خبریالانو ته وویل، چې امریکا طالبانو ته څرګنده کړې، چې د دوی مسوولیت دی، چې د القاعدې، داعش او نورو ترهګرو ډلو په ګډون د ترهګرو لپاره “خوندي پټنځایونه” نه لري.
ښاغلي میلر زیاته کړه: موږ د دغو تروریستي ډلو د مخ پر ودې ګواښ پر وړاندې هوښیار یو او د داعش د ماتولو لپاره زموږ نړیوال ایتلاف او په امریکا کې د منځنۍ اسیا د پنځو هېوادونو غونډه په سیمه کې د تروریستي ګواښونو د څارنې لپاره په ګډه کار کوي. د تروریستانو د وړتیا مخه ونیول شي “موندنه مالي بودیجه، سفر او اعلانونه پیاوړي کړي.”
په همدې حال کې داعش په دې وروستیو کې په کندهار کې د یوه خونړي برید او په مسکو کې د یوه برید مسوولیت منلی دی.
