وروسته له هغې چې «اوپک پلس» تېره اوونۍ اعلان وکړ چې د امریکا د مخالفتونو له امله د تېلو د تولید کچه کموي، د امریکا ولسمشر جو بایډن د سهشنبې پر ورځ وویل، چې دغه کار به د امریکا او د سعودي عربستان د اړیکو لپاره یو لړ «پایلې» ولري.
دا اعلان یوه ورځ وروسته له هغې خپور شو چې ځواکمن ډیموکرات سناتور او د پارلمان د بهرنیو اړیکو د کمېټې رییس باب منندز وویل، امریکا باید ژر تر ژره له سعودي عربستان سره ټولې همکارۍ له دې جملې د وسلو پلور ودروي.
بایډن له سيانان سره په خبرو کې د راتلونکو اقداماتو په اړه څه ونه ویل.
د سپينې ماڼۍ ویاندې کرین جان پير وویل چې پر خپل سیاست به له سره غور وکړي؛ خو په دې اړه چې څوک به د دغې ارزونې مشري وکړي هېڅ ښکاره مهال وېش یا معلومات یې نه دي ورکړي.
هغې وویل، چې امریکا به «په راتلونکو اوونیو او میاشتو کې» وضعیت له نږدې وڅاري.
د سعودي عربستان د بهرنیو چارو وزیر شهزاده فیصل بن فرحان وویل: «د اوپک پلس پرېکړه یوازې اقتصادي ده او د غړو هېوادونو د نظرونو په اتفاق نیول شوې ده.»
شهزاده فیصل العربیه ټلویزیوني شبکې ته وویل: «د اوپک پلس غړو مسوولانه عمل وکړ او مناسبه پرېکړه یې وکړه.»
د تېلو تولیدي ډله اوپک پلس د تېلو د صادروونکو هېوادونو له سازمانونو جوړ(اوپک) له خپلو ملاتړو له دې جملې روسیې سره یو ځای له څو اوونیو لابيګرۍ وروسته د امریکايي چارواکو د داسې اقدام پرضد د خپل تولید کچه اعلان کړه.
امریکا، سعودي عربستان د روسیې پروړاندې پر انزوا تورن کړ؛ ځکه عربستان د روسیې تېلو د بیې له محدودیت سره پر اوکراین د روسیې د برید په ځواب کې مخالف دی.
امریکايي چارواکي په پټه په دې هڅه وو چې خپل ترټولو لوی عرب شرکت باوري کړي ترڅو د تولید د کمولو له تصمیم څخه تېر شي؛ خو د سعودي عربستان ولیعهد محمد بن سلمان تر اغېزې لاندې رانهغۍ.
بن سلمان او بایډن په جون میاشت کې جدې ته د بایډن د سفر پرمهال په ۲۰۱۸ زېږدیز کال کې د واشنګټن پوسټ د خبریال جمال خاشقچي د قتل پر سر سره ونښتل.
