پاکستاني رسنیو خبر ورکړی، چې د اسلام اباد په قائداعظم پوهنتون کې د پښتنو او پنجابي محصلینو تر منځ نښته کې ګڼ شمېر کسان ټپیان شوي دي.
د پاکستاني رسنیو په وینا، په دې جګړه کې محصلینو د دغه پوهنتون د لیلیې ځینو برخو ته اور ورته کړی دی.
ځینو ناتایید شویو راپورونو د یو شمېر محصلینو د وژل کېدو خبر هم ورکړی دی.
د ډان نیوز د راپور له مخې دغه پېښه تېره شپه رامنځته شوې ده.
پاکستاني پولیس د پېښې ځای ته رسېدلي او له زده کوونکو یې غوښتي چې له لیلیې ووځي.
دا شخړه په داسې حال کې کېږي چې پاکستان کې په وروستیو اوونیو کې د پاکستان تحریک انصاف او د پښتون ژغورنې غورځنګ په ګډون د مخالفو ګوندونو له خوا پراخ لاریونونه شوي دي.
