د امریکا د ملي امنیت پخواني سلاکار جان بولټن خبرداری ورکړی، چې بهرني «ترهګر» جنګیالي د طالبانو تر ولکې لاندې افغانستان ته د ستنېدو په حال کې دي.
بولټن په یوه ټلویزیوني مناظره کې وویل، چې د سپټمبر د یوولسمې له بریدونو راهیسې په ۲۰۲۱ کال کې د امریکا تر وتلو پورې په افغانستان کې د امریکا پر ضد هېڅ ترهګریز برید نه دی شوی.
خو هغه د امریکا پر وتلو نیوکه وکړه او دا یې یوه «ناورینونکې تېروتنه» وبلله.
د امریکا د ملي امنیت پخواني سلاکار له افغانستانه د امریکايي ځواکونو وتل د امریکا د پخواني ولسمشر ډونلډ ټرمپ له فشارونو سره تړلي وبلل.
ښاغلی بولټن وايي په داسې حال کې چې د افغانستان پخوانی حکومت «نیمګړی»و. خو په اوسني وضعیت يې غوره و او زیاته یې کړه: «که موږ پاتې شوي وای، طالبان به په رأس کې نه واى.»
بولټن په تېرو دوو لسیزو کې له افغانستانه د امریکا پر خاوره د ترهګريرو بریدونو نشتوالي ته په اشارې وویل، «موږ افغانستان ته د دې لپاره تللي وو، چې طالبان له منځه یوسو، القاعده ته ماتې ورکړو او پر امریکا د راتلونکو بریدونو مخه ونیسو.»
خو هغه دا موضوع د متحده ایالاتو نظامي شتون ته منسوب کړه، چې د ٢٠٢١ په اګست کې له طالبانو سره د ټرمپ ادارې د دوحې له معاملې او د ولسمشر بایډن لخوا د پلي کیدو وروسته پای ته ورسیده.
نوموړي همداراز خبرداری ورکړی، چې داعش خراسان څانګه د امریکا پر ضد د بریدونو وړتیا لري.
ښاغلي بولټن د داعش د دوامدار ګواښ باندې پر اعتراف د بایډن ادارې شهادت ورکولو ته په اشارې سره زیاته کړه، داعش خراسان د روان کال په لومړیو کې د ایران او روسیې په څېر هېوادونو کې بریدونه کړي دي.
له افغانستان څخه د متحده ایالاتو وتل، د ٢٠٢٢ په اګست کې بشپړ شول، چې د پخواني افغان حکومت له ړنګېدو وروسته د طالبانو لخوا د هېواد ګړندي نیولو سره همغږي وه.
