په ايران کې د پاکستاني زاٸرانو يو موټر د چپه کېدو له امله ٢٨ تنه مړه او ٢٢ نور ټپيان شوي دي.
ایراني رسنیو خبر ورکړی، چې د پاکستاني زاٸرانو موټر د دغه هېواد په یزد ولايت کې چپه شوی دی.
د يادونې وړ ده، چې دا پېښه تېره شپه شاوخوا لس بجې رامنځته شوې او په دغه موټر کې د سپرلۍ شمېر ٥٣ تنه ښودل شوى دى.
د يزد امنيه قوماندان رحيم ده آبادي ويلي: «له لارې سره د موټر چلوونکي نا اشنايي، د موټر د بريک سيسټم پرله پسې تخنيکي ناکامي او د موټر خرابوالى د دې پېښې اصلي لاملونه دي.»
ایراني رسنیو همداراز ویلي، چې د تلفاتو د زیاتوالي احتمال شته.
