د امریکا د متحده ایالاتو د استازو جرګې د بهرنيو اړيکو کمېټې رٸيس په یوه لیک کې، د امريكا له ولسمشر جوبایډن څخه غوښتي چې د روسیې د ولسمشر ولادیمیر پوتین او د هغه د چینایي سیال شي جینګ پینګ «نامقدس اتحاد» پای ته ورسوي چې د نړۍ په ټوله نړۍ کې د “آزادۍ د کمزوري کولو” لپاره کار کوي.
کانګرس په یوه بیانيه کې ويلي چې دغه ليک مک کال تیره اونۍ بایډن ته استولی دى.
د دې بیانيې پربنسټ، د روسیې او چین ترمنځ د «نامحدودې ملګرتیا» په وړاندې مبارزه کې د بایډن د ادارې ناکامیو بیجینګ ته فرصت ورکړی چې د روسیې دفاعي او صنعتي اډې پیاوړي کړي.
د امریکا د کانګرس د بهرنیو اړیکو د کمیټې مشر په دې لیک کې ویلي دي: «لکه څنګه چې ما څو ځلې ویلي دي، موږ چرچیل یا چیمبرلین کیدای شو. زموږ ستر نسل زغم رد کړ او په دوهمه نړیواله جګړه کې یې د دیکتاتورانو د ماتې غم په غاړه واخيست. نن ورځ رايشټاګ (هغه ځای چې د نازیانو غونډې پکې ترسره کېدلې) په کرملین بدل شوی؛ خو درسونه يې همغه شان دي.»
د کانګرس دغه غړي زیاته کړه چې دا ډاډ بايد حاصل شي چې د امریکا د خلکو «دښمنان» به د نړۍ د سولې او د امریکا د امنیت په ګډوډولو کې بریالي نه شي.
د امريکا د استازو جرګې د بهرنيو اړيکو د کمېټې مشر د مسکو او بېجينګ ترمنځ د اړيکو د پراختيا په اړه د اندېښنې په څرګندولو ويلي، د امريکا د خلکو تاريخي دنده د روسيې پر وړاندې د اوکراين د بريا رامنځته کول دي.
ښاغلي مک کال همدراز وويل: «زه د چین د خلق جمهوریت لخوا د پوتین د جنګي ماشین د ښکاره اکمال د کچې له امله اندیښمن یم.»
هغه په دې لیک کې د امریکا د بهرنیو چارو د وزیر انتوني بلینکن په حواله لیکلي چې چین په پراخه کچه د روسیې د صنعتي-دفاعي اډې ملاتړ کړی چې ۷۰ سلنه وارداتي ماشینونه او ۹۰ سلنه مایکرو الکترونیکي توکي پکې شامل دي.
د کانګرس په بيانه کې راغلي چې د روسیې دفاعي صنعت ته د چین له خوا د پوځي پرزو برابرول یو له هغو عواملو څخه دی چې په اوکراین کې د مسکو د جګړې د پرمختګ لامل شوی دی.
مایکل مک کیل همداراز له بایډن څخه وغوښتل چې د اوکراین د سولې په غونډه کې چې ټاکل شوې ده د جولای په ۱۵ مه په سویس کې جوړه شي، ګډون وکړي.
