په یوه ورځ کې تر ۲۵۰ ډېرې افغان کډوالې کورنۍ له پاکستان او ایران څخه په «اختیاري او جبري توګه» ایستل شوې او هېواد ته راستنې شوې دي.
د طالبانو تر ادارې لاندې باختر آژانس خبر ورکړى، چې په تېره يوه ورځ (يکشنبه د غبرګولي په ٦مه) له ايران او پاکستان څخه ٢٦٥ کډوالې کورنۍ را ايستل شوې دي.
د دغه راپور پربنسټ، دغه کډوال د ننګرهار، قندهار، نيمروز او هرات ولايتونو له لارې هېواد ته داخل شول.
»د طالبانو تر ادارې لاندې د باختر آژانس پر اېکس ليکلي: « ٢٤ کورنۍ د تورخم له لارې او ٦٨ کورنۍ د سپين بولدک له لارې افغانستان ته داخلې شوې دي.
د دغه راپور پر بنسټ، ۷۵ کډوالې کورنۍ د نیمروز ولایت د پل ابرېشم له لارې او دغه راز ۹۸ کورنۍ د هرات د اسلام کلا له لارې هېواد ته داخلې شوې دي.
دا په داسې حال کې ده، چې پاکستان او ایران یوه ورځ وړاندې (شنبه، د غبرګولي په پنځمه) ۲۴۹ افغان کډوالې کورنۍ په زور او خپله خوښه ایستلې وې.
