افغانستان

چالش‌های افغانستان میان نمایندگان آسیای مرکزی و اتحادیه اروپا بررسی شد

اتحادیه اروپا اعلام کرده است که ششمین نشست نمایندگان ویژه کشورهای آسیای مرکزی و اتحادیه اروپا برای افغانستان در دوشنبه پایتخت تاجیکستان برگزار شده است.

در این نشست که روزچهارشنبه برگزار شد، تحولات اجتماعی، اقتصادی و سیاسی افغانستان از زمان آخرین جلسه در فبروری ۲۰۲۴ مورد بررسی قرار گرفته است.

توماس نیکلاسون، نماینده ویژه اتحادیه اروپا برای افغانستان با سیروالدین محرالدین، وزیر امور خارجه تاجیکستان، دیدار کرده است.

دو طرف بر اهمیت ثبات و امنیت منطقه تأکید کرده و راه‌های بالقوه برای مقابله با چالش‌های امنیتی و انسانی افغانستان را بررسی کردند.

طبق ین اعلامیه نشر شده افغانستان همچنان یک موضوع کلیدی برای کشورهای آسیای مرکزی است.

پس از خروج ایالات متحده و قدرت گرفتن طالبان، برخی کشورهای منطقه، از جمله ازبیکستان، قزاقستان و قرغیزستان، تماس‌های دیپلماتیک خود را با طالبان از سر گرفتند.

قزاقستان و قرغیزستان طالبان را از فهرست سازمان‌های ممنوعه حذف کرده‌اند، در حالی که ترکمنستان سیاست بی‌طرفی خود را حفظ کرده است.

در این میان، تاجیکستان نگرانی‌هایی درباره نفوذ مرزی، قاچاق مواد مخدر و افراط‌گرایی در افغانستان دارد. با این حال، این کشور همچنان به تأمین برق افغانستان ادامه می‌دهد.