امیرخان متقی، وزیر خارجه طالبان، در دیدارش با سعدی شریفی، کاردار سفارت تاجیکستان در کابل، بر «تعهد قوی» برای گسترش روابط با این کشور تأکید کرد.
وزارت خارجه اداره طالبان در خبرنامهای گفته است که «تقویت همکاریهای مرزی و امنیتی، چگونگی برگزاری نشست کمیته مشترک اقتصادی و برنامههای وزارتهای خارجه» دو طرف در سال پیشرو، از موارد مهم بحث این دیدار بوده است.
وزیر خارجه طالبان در این دیدار گفته است که دو طرف میتوانند از «فرصتهای به وجود آمده به هدف گسترش روابط در همه سطوح بهویژه همکاریهای سیاسی، اقتصادی و تجارتی» استفاده کند.
بر اساس خبرنامه طالبان، کاردار سفارت تاجیکستان گفته است که کشورش برنامهها و پروژههای مهم اقتصادی در مرز مشترک میان دو کشور با دورنمایی تقویت همکاریهای اقتصادی با طالبان دارد.
این در حالی است که پس از حاکمیت دوباره طالبان بر افغانستان، تاکنون چندین درگیری مسلحانه در بخشهای مرزی کشور با تاجیکستان صورت گرفته است.
پیش از این مقامهای امنیتی تاجیکستان افراد مسلحی که قصد ورود به خاک این کشور را داشتند و با نیروهای این کشور درگیر شدهاند را «هراسافکن» خواندهاند.
بر بنیاد بیانیه نیروهای مرزبانی کمیته دولتی امنیت ملی تاجیکستان، آخرین درگیری شامگاه پنجشنبه، ۹ دلو، حوالی ساعت ۷:۳۰ شب، رخ داد که در آن پنج شهروند افغانستان بهگونه غیرقانونی از مرز دولتی عبور کرده و وارد منطقه مربوط به پاسگاه مرزی «باهوراک» در ولسوالی شمسالدین شاهین این کشور شده بودند.
در این درگیری به گفته نیروهای مرزبانی تاجیکستان، سه تن که شهروندان افغانستان بودند، کشته شدند.
با این حال، در یک سال اخیر تماسها میان طالبان و تاجیکستان افزایش یافته چنانچه مقامهای تاجیکستان به کابل سفر کرده و مقامهای طالبان نیز به تاجیکستان رفتهاند.
