سفارت چین در تاجیکستان با صدور هشدار امنیتی تازهای، از شهروندان و شرکتهای چینی خواسته است که در پی وخامت اوضاع امنیتی، هرچه زودتر مناطق مرزی میان تاجیکستان و افغانستان را ترک کنند.
این هشدار روز دوشنبه، در حالی صادر شده است که مقامهای چینی از ادامه وضعیت «وخیم و پیچیده» امنیتی در امتداد مرز تاجیکستان و افغانستان ابراز نگرانی کردهاند.
بر اساس گزارشها، روز یکشنبه چهار فرد مسلح بهگونه غیرقانونی از ولایت بدخشان افغانستان وارد منطقه ختلان تاجیکستان شدند و توسط نیروهای مرزی تاجیکستان کشته شدند.
در بیانیه سفارت چین از اتباع و شرکتهای این کشور خواسته شده است که وضعیت امنیتی منطقه را بهطور نزدیک دنبال کنند، سطح آگاهی خود در زمینه پیشگیری از خطر را افزایش دهند و تدابیر امنیتی را تقویت کنند.
این سفارت همچنین توصیه کرده است که شهروندان چینی در اسرع وقت منطقه مرزی را بهصورت منظم تخلیه کرده و از سفر به نوار مرزی تاجیکستان و افغانستان خودداری کنند.
این هشدار در حالی صادر میشود که پیش از این نیز چندین رویداد امنیتی در این منطقه گزارش شده است.
در ۲۶ نومبر ۲۰۲۵، یک حمله مسلحانه در منطقه مرزی شمسالدین–شاهین در ولایت ختلان تاجیکستان، در نزدیکی افغانستان، به کشته شدن سه شهروند چین و زخمی شدن یک تن دیگر انجامید.
همچنین در ۳۰ نومبر ۲۰۲۵، حمله مسلحانه دیگری در همان منطقه گزارش شد که بار دیگر تلفات شهروندان چین را در پی داشت و سبب صدور هشدارهای امنیتی پیشین از سوی سفارت چین شد.
