در پی حمله مسلحانه بر شهروندان چینی در تاجیکستان، گوئو ژیجون، سفیر چین در دوشنبه، از حکومت تاجیکستان خواسته است تا امنیت شهروندان این کشور را تضمین کند.
سفارت چین در دوشنبه در خبرنامهای گفته که آقای ژیجون در پی این حمله با مخیرالدین، وزیر خارجه تاجیکستان، و کمالزاده، معاون اول و رئيس کمیته امنیت ملی این کشور، تماسی داشته است.
بر بنیاد این خبرنامه، «تحولات مربوط به امنیت شرکتها و شهروندان چینی در منطقه مرزی بین تاجیکستان و افغانستان» از موارد کلیدی این گفتگوها بوده است.
در این خبرنامه آمده که مقامهای تاجیکستانی حملههای مسلحانه علیه شهروندان چینی را به شدت محکوم کردهاند و گفتهاند که اقدامهای امنیتی را برای محافظت کامل از امنیت شرکتها و شهروندان چینی ارتقا خواهند داد.
این در حالی است که در حمله مسلحانه روز چهارشنبه هفته گذسته در مرز تاجیکستان با افغانستان، سه شهروند چینی کشته و یک تن دیگر زخمی شده است.
این حمله در شهر ختلان در جنوب غربی تاجیکستان رخ داد و سفارت چین در دوشنبه در پی این رویداد از شهروندان این کشور خواست منطقه مرزی را فوراً ترک کنند.
وزارت خارجه طالبان در بیانیهای گفت: «حلقه دخیل در این حادثه، گروهی است که به دنبال ایجاد هرج و مرج، بیثباتی و بیاعتمادی در منطقه هستند.»
طالبان هویت این گروه را مشخص نکردند اما افزودند که آنان ارزیابی اولیه حادثه را انجام داده و کاملاً با تاجیکستان برای بررسی و پیگیری این حمله همکاری خواهند کرد.
بر بنیاد گزارشها، برای نخستینبار از خاک افغانستان حملهای مسلحانه و پهپادی به خاک تاجیکستان انجام شده است. این رویداد در منطقهٔ شمسالدین ختلان رخ داده؛ نقطهای مرزی که در جنوب‑غرب تاجیکستان قرار دارد و از جنوب و جنوبشرقی با افغانستان حدود ۴۲۰ کیلومتر مرز مشترک دارد.
با این حال، وزارت امور خارجهٔ تاجیکستان اعلام کرده است که این حمله بر اردوگاه کارکنان یک شرکت چینی به نام «الالسی شاهین اسام» در محدودهٔ پاسگاه مرزی استقلال انجام شده و در نتیجهٔ آن سه کارگر چینی جان باختهاند.
مقامهای تاجیکستان میگویند این حمله با استفاده از یک پهپاد حامل نارنجک و همچنین سلاح گرم صورت گرفته و «گروههای جنایتکار مستقر در خاک افغانستان» همچنان با اقدامات بیثباتکننده، امنیت این مرز طولانی را تهدید میکنند.
گفتنی است که پیش از این هیئتی از مقامهای ارشد امنیتی و خارجه تاجیکستان در ماه گذشته به کابل آمد و دیدارهای با برخی از مقامهای ارشد طالبان نیز داشت.
