د پاکستان په حیدراباد ښار کې د قبایلي وسله والو په یوه برید کې د دوو ښځو او یو سړي په ګډون درې کسان وژل شوي دي.
ایکسپریس ټریبیون راپور ورکړی، چې دا برید د مارفاني قبیلې لخوا د غنمو د حاصلاتو ټولولو پرمهال د بایو قبیلې څخه د غچ اخيستنې په موخه شوی.
د دغه راپور له مخې، مړي د نورو طبي څېړنو لپاره د شکارپور روغتون ته لېږدول شوي دي.
ويل کيږي چې دغه پيښه د خلکو د اعتصاب سبب شوې اود بريدکوونکو وسلوالو د نيولو غوښتنه يې کړې ده.
په همدې حال کې د ایکسپریس ټریبیون د راپور پر بنسټ، پرون (جمعه، د اپریل ۲۶) د حیدراباد په لارکان او سوکور ولسوالیو کې په زرګونو خلکو په ديو لاریون په ترڅ کې د قتل، تښتونې، جنسي تیري او غلاوو د زیاتوالي غندنه وکړه.
له دوى يو لاريون کوونکي ایکسپریس ټریبیون ته وویل: “موږ نشو کولی سوداګرۍ وکړو او خپل ماشومان ښوونځي ته واستوو. خلک خپلې کورنۍ نورو ښارونو ته لېږدوي.»
دغو لاريون کوونکو د پاکستان پوليس هم په بې غورۍ تورن کړي او وايي، چې د پوليسو دغه بې غوري په دې سيمه کې د قومي شخړو اور ته لمن وهي.
