د حماس او اسرائیلو ترمنځ د شخړو په بهیر کې؛ د پنجشنبې په ورځ د هغو بهرنیو مرستندویه کارکوونکو جسدونه چې د اسرائیلو په برید کې وژل شوي وو، مصر ته انتقال شول.
اسرائیل دا برید غیر قصدي بللی او بخښنه یې غوښتې ده.
په قربانيانو کې درې برتانوي اتباع هم شامل دي، چې د دې هېواد په پوځ کې يې د کار کولو تاريخ درلود.
لندن د دې برید د سمدستي او شفافو تحقیقاتو غوښتنه کړې ده.
اووه برتانوي، پولنډي، اسټراليايي، کاناډايي-امريکايي او فلسطيني مرستندويه کارکوونکي دوې شپې مخکې د غزې د تړانګې په مرکز کې په يوه بريد کې ووژل شول.
د اسرائیلو د پوځ لوی درستیز هرزي هالوي ویلي: «دا برید د نړۍ د مرکزي پخلنځي ژغورنې کارکوونکو ته د زیان رسولو په نیت نه دی شوی. دا یوه تېروتنه وه، چې د شپې په اوږدو کې، د جګړې په جریان کې، په خورا پیچلو شرایطو کې ناسمه پیژندنه تعقیب شوې، دا باید نه وای شوی.»
خو د ورلډ سنټرل کیچن خیریه موسسې ویلي، چې له دې مخکې یې له اسرائیلي پوځ سره د مرستو د کاروان د حرکت په اړه خبرې کړې وې.
په قربانیانو کې درې برتانوي اتباع هم شامل دي، چې د دې هیواد له پوځ سره د کار کولو تاریخ یې درلود او د ورلډ سنټرل پخلنځي د امنیتي ټیم غړي وو.
بریتانیا هم په دې برخه کې د شفافو تحقیقاتو غوښتنه کړې ده. ملګرو ملتونو او یو شمېر نورو هېوادونو د اسرائیلو دغه برید غندلی دی.
په ورته وخت کې د غزې په تړانګه کې خلک هم اندېښمن دي چې ښايي د دې مرستندویه سازمان فعالیت له خنډ سره مخ شي.
د رفح ښار اوسېدونکي علا کسب د خپلو ننګونو په اړه وویل: «د دې جګړې موخه د فلسطینیانو لوږه ده. د اسرائیلو موخه دا ده، چې دوی لوږه ووژني او له خپلې خاورې يې وشړي. دا هغه څه دي چې دوی یې غواړي.»
په همدې حال کې د غزې نږدې ټول وګړي له لوږې سره مخ دي.
په وروستیو اونیو کې د نړۍ مرکزي پخلنځي د غزې خلکو ته ۴۲ میلیونه د اختر خواړه رسولي دي او ټاکل شوې چې یوه بله کښتۍ چې ۴۰۰ ټنه خوراکي مواد یې بار کړي د غزې ساحلونو ته ورسوي.
خو له شپږو میاشتو راهیسې د حماس او اسرائیلو ترمنځ شخړه روانه ده. د راپورونو له مخې تر اوسه په غزه کې د اسرائیلو په بریدونو کې ۳۲ زره ۹۷۵ فلسطینیان وژل شوي دي.
