د امریکا ولسمشر جوبایډن ومنله، چې د غزې په جګړه کې د اسرائیلو د ملاتړ په اړه عرب-امریکایان «غوسه او مایوسه» دي.
د رویټرز د راپور پر بنسټ، بایډن پرون (جمعه، د وري په ۱۰مه) په واشنګټن کې وویل: «هغه درد چې ډېری عرب-امریکایان یې د غزې په جګړه کې احساسوي او پر فلسطیني ولس د اسرائیلو او د دې هېواد د پوځي برید په اړه زموږ ملاتړ کوي، دوی مسلمانان دي. او د جګړې ضد فعالینو هغه په غوسه او مایوسه کړی دی».
په همدې حال کې د دغه خبري آژانس د راپور پر بنسټ، په امریکا کې ګڼو مسلمانانو او عربانو له بایډن څخه په غزه کې د دایمي اوربند غوښتنه کړې ده.
دوی همدا راز د امریکا له ولسمشر څخه غوښتي دي، چې پر اسرائیلو د وسلو پلورل بند کړي او په غزه کې د «ملکي وګړو د ژوند د خوندي کولو» په خاطر دې پر اسرائیلو د لا زیات فشار څخه کار واخلي.
له بلې خوا نړیوالې محکمې اسرائیلو ته امر کړی؛ چې د فلسطین د خلکو لپاره د لومړنیو خوراکي توکو رسولو او په دې سیمه کې د «قحطۍ د خپریدو» د مخنیوي لپاره ټول اړین او اغیزمن ګامونه پورته کول.
خو رویټرز د حماس د چارواکو په حواله راپور ورکړی چې د «بشري بحران» د مخنیوي لپاره اوربند ته اړتیا ده.
تر دې مخکې رویټرز د موساد مشر ته د یوې نږدې سرچینې په حواله ویلي وو، چې اسرائیلو په غزه کې د اوربند لپاره د حماس د غوښتنې له امله له قطر څخه خپل پلاوی رابللی دی.
که څه هم په دغه راپور کې د حماس ډلې د غوښتنو په اړه څه نه دي ویل شوي؛ خو سرچینې رویټرز ته وویل، چې د حماس مشر داسې غوښتنې کړې وې چې «په خبرو اترو کې خنډ» او په قصدي ډول یې غوښتل چې د روژې په میاشت کې جګړه پراخه شي.
دا په داسې حال کې ده چې د چهارشنبې په ورځ هم د رفح په ښار کې پر دوو کورونو د اسرائیلي الوتکو په برید کې د یوې کورنۍ ۱۱ غړي وژل شوي وو.
