د هرات یو شمېر اوسېدونکي وايي چې د اختر لومړۍ ورځ یې د سړک پر غاړه د کار د پيدا کولو په تمه، تېره کړې ده. دوی زیاتوي، چې بې زولي د دې لامل شوې، څو دوی د اختر په ورځو کې هم د کار په لټه له کوره دباندې ووځي.
د اختر لومړۍ ورځ او د هرات ښار؛ عبدالمنان له سهاره د کار په لټه له کوره راوتلی او دلته په سړک کې انتظار باسي. له ډېرو هڅو سره سره، خو بیا هم په دې نه دی بریالی شوی، چې کار پيدا کړي. وايي چې بې وزلي دې ته اړ کړی چې حتا د اختر په ورځو کې هم د یوې مړۍ ډوډۍ د پیدا کولو لپاره، په کار پسې راووځي.
