د مقاومت جبهې په یوه خبرپاڼه کې د کندز ولایت د طالبانو د امنیې قوماندانۍ پر ودانۍ د تېرې شپې د چاودنې مسئولیت پر غاړه واخیست او ادعا یې وکړه چې په دغه برید کې څلور طالبان وژل شوی او پنځه نور ټپیان شوی دی.
د ځايي سرچينو د چاودنې پخلی کړی او ويلي يې دي، چې پېښه دوشنبه ماښام شاوخوا ۷ بجې د طالبانو د امنيې قوماندانۍ په ودانۍ کې شوې ده.
د سرچينې د معلوماتو له مخې، د دې پېښې ټپيان د دولتي موټرو په وسيله د کندوز هوايي ډګر روغتون ته لېږدول شوي دي.
خو طالبانو تر اوسه د دې پېښې په اړه څه نه دي ويلي.
