جمهوري غوښتونکی مایک جانسن له مخالفتونو سربېره د جمعې په ورځ (مرغومي ۱۴) يو ځل بيا د امریکا د استازو د مجلس یا کانګرېس د رٸيس په توګه وټاکل شو.
رویټرز راپور ورکړی چې د ښاغلی جانسن رايې په پیل کې د هغه اکثریت څخه کمې وې چې د خپلې دندې د ساتلو لپاره يې ورته اړتیا درلوده. رايې اچونې نږدې دوه ساعته دوام وکړ؛ خو دوو جمهوري غوښتونکو مخالفانو له اوږدو خبرو اترو وروسته د هغه د ملاتړ لپاره خپل فکر بدل کړ. د دغو دوو جمهوري غوښتونکو استازو څخه یو یې وویل چې په دې اړه یې ټېلېفوني اړيکه ترلاسه کړې ده.
مایک جانسن په کانګرېس کې لږترلږه اړینو ٢١٨ رایو په ترلاسه کولو سره خپل مقام وساته. ياده دې وي چې جمهوري غوښتونکي د ډیموکراټانو د ۲۱۵ څوکیو په مقابل کې د ۲۱۹ څوکیو په اکثریت سره د امریکا د استازو مجلس کنټرولوي.
په نوي دوره کې د کانګرېس د مشر په وړاندې ننګونې
د رایې ورکولو وروسته، جانسن ژمنه وکړه چې د ټرمپ د ٢٠١٧ مالیاتو کمښت چې سږکال پای ته رسیږي، او مقررات به لغوه کوي، وغځوي.
هغه وويل: «موږ به د حکومت اندازه او ساحه په پراخه کچه راټيټه کړو.»
په کانګرېس کې د هغه د ولسمشرۍ پرمهال د نورو لویو ننګونو په منځ کې د ٣٦ ټریلیون ډالرو څخه د ډیرو پورونو معامله ده، چې د استازو جرګه باید د دې کال په پای کې عملي کړي.
د دغه خبري آژانس د راپور پر بنسټ، د جمعې رایه اچونه د جمهوري غوښتونکو د اتحاد لپاره لومړنۍ ازموینه وه چې ټرمپ د اجنډا د مالیاتو کمولو او قوي پولو پلي کولو ته هڅوي. دې چارې د امریکا په کانګرېس کې د ټرمپ واک هم و ازمویه؛ چې یو څو جمهوري غوښتونکو د هغه سره د مخالفت لپاره لېوالتیا وښودله.
د استازو په جرګه کې جمهوري غوښتونکي په تېرو دوو کلونو کې د داخلي مخالفتونو له امله اغېزمن شوي دي. جانسن د امریکا د ولسمشرۍ د دورې په نیمایي کې د دې جرګې د پخواني مشر کوين مک کارټي له لرې کولو وروسته د دغه جرګې د رییس په توګه وټاکل شو.
د رای اچونې له پای ته رسېدو وروسته، د کانګرېس غړي تر نیم ساعت زیات د خونې شاوخوا وګرځېدل، چې ليدل کېدل جانسن او د هغه پلويان مخالفينو د فکر بدلولو هڅه کوي.
کیت سلف ، یو له درېیو جمهوري غوښتونکو څخه چې په لومړيو کې یې د جانسن په وړاندې رایه ورکړه ، وویل چې له دې کار وروسته يې ډونلډ ټرمپ سره «رغنده» خبرې کړي.
هغه ويلي چې ټرمپ ژمنه کړې چې د ګوند د ښي اړخي به د مالیاتو او کډوالۍ لايحو ته په بڼه ورکولو کې پراخه برخه واخلي.
