د متحده ایالاتو د يوې محکمې قاضي خوان مرچن وايي، د متحده ایالاتو منتخب ولسمشر ډونلډ ټرمپ چې د پورن فلمي ستوري ته د پیسو ورکولو اړوند جرمي قضیه کې «مجرم» وموندل شو، پرته له دې چې د زندان یا نورو تورونو سره مخ شي، مجرم پېژندل کېږي.
د رویټرز د راپور پر بنسټ، د محکمې د حکم له مخې ښاغلی ټرمپ باید له خپلې لوړې څخه لس ورځې مخکې محکمې ته حاضر شي؛ داسې پېښه چې د امریکا په تاریخ کې بې سارې ګڼل کیږي او تر دې وړاندې په متحده ایالاتو کې هیڅ ولسمشر په کوم جرم یا تور نه دی محکوم شوی.
په همدې حال کې د ټرمپ ویاند سټیون چونګ په یوه خبرپاڼه کې اعلان کړی چې په دې قضیه کې باید هېڅ ډول حکم صادر نه شي.
هغه وايي: «دا ناقانونه دوسيه بايد هېڅکله نه وي ثبت شوې او اساسي قانون يې د سمدستي لغوه کېدو غوښتنه کوي.»
خو ښاغلي مرچن د ښاغلي ټرمپ د ولسمشرۍ د بریا له امله د قضیې ردولو په اړه خپله طرحه اعلان کړه. د متحده ایالاتو د منتخب ولسمشر وکیلانو استدلال کړی چې د هغه قضیه به په دفتر کې د هغه د حکومت کولو وړتیا له خنډ سره مخ کړي.
د محاکمې قاضي دا استدلال رد کړ، او لیکلي یې دي چې منصفه پلاوي د پریکړې پرېښودل «د قانون حاکمیت په بې حده ډول کمزوری کوي.»
هغه لیکلي چې د یوه منتخب ولسمشر په توګه د تورن موقف د غوښتنې (لیرې کولو) لپاره د (محکمې)د واکونو خورا سخت او «نادرانه» پلي کولو ته اړتیا نلري. هغه د تېر کال د ډسمبر په درېیمه په محکمه کې د ټرمپ استدلال رد کړ چې د هغه ګوښه کول جواز لري.
په ورته وخت کې، خوان مرچن ويلي: «د دې ښار او هېواد لپاره د هغه مدني او مالي مرستې خورا بې شمېره دي.»
